Koha e keqe me reshje të dendura breshëri, ka shkaktuar para pak minutave një aksident në hyrje të qytetit të Gjirokastrës në aksin Gjirokastër-Tepelenë.
Ngjarja ka ndodhur te kthesa e unazës se qytetit në lagjen “Gërhot” . Një autoveturë me targa AA027OY e cila vinte nga Tirana në drejtim të Gjirokastrës, është përplasur me bordurën metalike pasi rrëshqiti për shkak të rrugës së ngarkuar me breshër.
Për pasojë, drejtuesi i mjetit ka pësuar lëndime serioze në gjymtyrë dhe është çuar me urgjencë në Spitalin Rajonal të Gjirokastrës. Nuk dihet ende gjendja shëndetësore e tij.
Shfaq Komentet (0)
